طرق لتعذيب التماسيح >>>> ها . هي . هو

للبنات بس والشباب بلا لقافه

ولا أقول أقروا الموضوع أحسن عشان تشوفوا طرق تعذيبكم

اذا طلبتي من اخوك انه يوديك السوق ورفض لانه رح يطلع مع اصحابه ....لا تزعلي وقولي له جزاك الله خير ..روحي غرفتك والهي نفسك باي شي ( الموضوع مارح يعدي بالساهل )

اليك الانتقام ...اختاري اي وسيله للانتقام من الوسائل الاتيه: -

1- روحي لمزيل الروائح حق اخوك قبل مايتسبح وافتحي غطاه حطي فيه استون مزيل المناكير وعصير ليمون ....ورديه مكانه...هذا وجهي اذا قدر ينزل يده ويمشي طبيعي ...

2- روحي للصندل او الجزمه ( الله يكرمكم ) اللي يحب يلبسها اخوك دايما وكلي لبان {علوووووش} علبه كامله طلعيها من فمك وحطيها في الجزمه من تحت ومن الداخل ....قرف على اصوله...

3- روحي للقلم الباركر اللي يلبسه اخوك مع الثوب وطلعي الحديده اللي داخل وغطسيها في الحبر ورديها مكانها ...لما ترجعي القلم لمحله أتركيه مفتوح ..يعني جاهز للكتابه....وطبعا اخوك رح يكون مستعجل وماينتبه له ...وينزل الحبر على ثوبه ....قمه القهر

4- خذي فرشته حقت الشعر وغطسيها في مويه الحنه او في مويه مخلوطه ببيضة نية ( موب مستوية ) ....لا تتركي الفرشه مببلله مره ..لا خليها رطبه بس ..اخوك طبعا حيطلع من الحمام ( اعزكم الله ) ويمشط شعره وهو مبلول كالعاده ..شوفي الريحه اللي حتطلع ...كمحاوله للمساعده لاظهار حسن النيه اعرضي عليه انك تستشوري له شعره ...سدي خشمك ...

5- خذي الجوال وفرغي البطاريه يعني العبي فيه لين الشحن ماينتهي ..ولا بغى يخرج من البيت قولي له جوالك بطاريته فارغه ..خذ بطاريتي ....كرم اخلا ق من جد

6- خذي مفتاح سيارته وخبيه ..واذا سال عنه قولي انك شفتيه مع اصغر طفل في العيله وياريت يكون عمره سنه او سنه ونصف ...طبعا مايقدر يخاصمه ولا يضربه على العكس بيتحايل عليه ويحاول يوصله المعلومه باي طريقه ...وانتي اضحكي عليه بس لا يشوفك ..قومي دوري المفتاح معاه لاتتفرحي بانتصارك موب وقته ...في النهايه بيتصل على اصحابه علشان يمروا عليه ...هنا اساليه اذا محتاج فلوس ( ايه لا تبخلي عليه ولاتقولين لي ماعندك ..جيب السبع ما يخلى .. وفي النهايه كله لصالحك ) اعرضي عليه من 100 الى 300 في الغالب هو رح يرفض ماله وجه ...ماوداك السوق وكمان ياخذ منك فلوس ؟؟.......

7- قبل ما يطلع من البيت خذي مفتاح غرفته بعد مايقفلها ...حاولي تحصلي على المفتاح ضروري ...لا رجع من السهره طبعا يبي ينام ..يدور على المفتاح في الميداليه ما بيلقاه ..اكيد بيتوقع انه ناسيه او مضيعه برا ...طبعا ماله مكان ينام فيه الا الكنبه ....روحي صحيه وقولي له نام في غرفتي انا ماني نايمه ....قممه في الكرم والاخلاق ....هنا من جد انتي كسرتي خاطره ...وضميره اكيد بيصحى ..ممكن مايبين لك لكن ثاني يوم بيجيك بنفسه ويقول لك أي سوق تبغين ......


شو رأيكم ياااا بناااات مو استحق دعوووة حلووووة من دعووااااتكم .....
وروني فلاحتكم يالتماسيح .....
تحيتي و تقديري لكم .....

ههههههههههههههاي

كل ذا عشان السوووق

طيب نعلمكم السواقه ونفتك

فكونا من شركم




تقبلي مروري اختي رمز التمرد <<== نفسي اعرف ايش معنى هالنك بالذات ؟

مشكووورة اخووي على مرورك و على اقتراحك اللطيف ....

و بالنسبة لسؤالك الأخير .....
فأنا أفضل إني ما أجاوب عليه ....


تقبل تحيتي و تقديري لكم ......