|
الأكسسوارات والعطور ركن خاص ومتميز باأحدث تشكيلات الأكسسوارات والعطور الرائعة النسائيه لكي سيدتي |
الأذكـآر |
|
أدوات الموضوع | طرق مشاهدة الموضوع |
#1
|
||||||||
|
||||||||
صناعة الاكسسورات
انا جبتلك حاجات حلوة يارب تفيدك وتكون هي اللي انتي عايزاها الأول طريقة عمل الشكل الجميل ده الأول دي الحاجات اللي هنحتاجها سلك نحاس حلقتين صغيرين زي اللي في الصورة خرز اسود متوسط الحجم خرز (خرج نجف طويل) لونه دهبي أو بيج للقفل نجيب الحلقة والعمود الصغير اللي بيدخل فيها ست خرزات شبه الخرز الاسود بس دهبي قطعتين النحاس اللي بيمسكوا الخرز والسلك وفي الآخر حاجة صغيرة كده زي بنسة اسمها زَرَّادية مع شدة على الراء دي شبه البنسة الكبيرة دي بتاعت النجارة تقريبا بس على صغنوووون أهيه الحاجات دي بقى منيييين؟؟ من عند أي محل خردوات أو أدوات الخياطة وبتوع الخرز هما غالبا بيكونوا في مكان واحد جنب بعض بيبيعوا الحاجات دي يعني وحتى لو عارفين حد فيهم ممكن لو مش عنده تسألوه ألاقي كذا فين وهو يقولكوا نيجي للطريقة بقى أول حاجة هنجيب واحدة من قطع النحاس مع السلك وتلات خرزات دهبي ونربطهم بالشكل ده أهم حاجة ماننساش في النص لازم يكونوا سلكين ونبدأ نوزع الخرز الاسود مع خرج النجف على الجنبين بالشكل ده ونقفلهم في الآخر نبدأ بقى بالجزء اللي في النص وركزوا فيه هناخد الأول خرزة سودا نحطها في السلكين بعدها في كل واحد فيهم نحط واحدة خرج نجف عشان يعمل الشكل ده بعدها نلف السلك حولين الجنبين ونضمهم في النص تاني وممكن لو عرفنا بدل ما نلفه ندخله في الخرز الاسود على الجنبين أهم حاجة ناخد بالنا من طول السلك يكون طويل شوية لو حبينا نقصره نقصه عادي بدل مانعمل ومايكفيش في الآخر بعد لف السلك نضمه للنص ونحط خرزتين دهبي خَرج نجف ونضم السلك بخرزة سودا وتاني نفتحه باتنين خرج نجف ونلفه وهكذا بقى في الآخر بتوصل بالشكل الجميل اللي شفناه ده بعد مانوصل القفل من الجهتين __________________ دلوقتي هنعمل ان شاء الله مع بعض حلق ظريف بالخرز الأحمر وده شكله وبرضه هنستخدم الزرادية اللي قلتلكوا عليها قبل كده عشان نقدر نتني السلوك بتاعتنا بالشكل المظلوب زي ما هتشوفوا معايا بعد كده الحاجات اللي هنستخدمها كالتالي سلسلتين بالحجم اللي شايفينه في الصورة نجيبهم من عدن بتوع الخردوات وأدوات التطريز أو ممكن نعملهم بإيدينا بالسلك خرز أحمر اتنين كبار و 12 حجم أصغر سلوك على شكل دبابيس بس هي مش مدببة من تحت عادية مش بتشوك هنجيب منهم 14 واحد ونجيب سلكين أو قطعتين المعدن بتوع الحلق برضه ممكن نلاقيهم جاهزين أو احنا نعملهم بإيدينا الأول هشرحلكوا طبعا على فردة واحدة من الحلق واعملوا التانية زيها هنجيب واحدة من السلسلتين ونيجي عليها من نصها بحيث يبقى جزء أقصر من التاني وندخل قطعة المعدن بتاعت الحلق في حلقة صغيرة فيها بالشكل ده بعدها نجيب الدبابيس (الغير مدببة) ونحطها في الخرز زي مانتوا شايفين كده وبعدين من الناحية التانية نتنيها ونخليها على شكل حلقة وطبعا لو طلعت طولة شوية نقصها بالزرادية بعد كده هنحط الخرزة الكبيرة في السلسلة في الجزء الأطول بالشكل ده وبعدها نبدأ نوزع باقي الخرز الصغير زي ماحنا شايفين كده طبعا الحلقة بتاعت الخرزة كانت مفتوحة شوية بعد مانركب الخرز في السلسلة نبدأ نقفل الحلقات دي كويس بالزرادية وكده نكون عملنا حلق شكله جميل وكمان بإيدينا دلوقتي معايا شكل جديد هو عبارة عن ميدالية ممكن تتحط في قلم زي كده أو حتى نحطها في الموبايل نبدأ كالعادة بالخامات اللي هنستخدمها معانا هنجيب سلسلة باللون الدهبي أو الفضي زي ماتحبوا بس طبعا المهم لون السلسلة يكون نفس لون الأسلاك اللي هنستخدمها وهنستخدم مجموعة من الخرز الشفاف زي الموجود في الصورة بمختلف أحجامه اتنين لونهم موف كبار ومجموعة ألوان على زوقكوا حجمهم أصغر شوية ومعاهم خرزتين زي اللي استخدمناهم في الحلق واتنين غيرهم برضه بشكل هندسي كده زي مسدس هندسي زي مانتوا شايفين في الصورة وغيرهم ست خرزات لونهم دهبي على شكل وردة زي ماحنا شايفين في الصورة برضه وفاكرين الدبابيس الغير مدببة اللي قولنا عليها قبل كده؟؟ هنستخدمها بس حجم أكبر شوية وهنسخدم كمان قطعة اكسسوار دهب جواها زي جلد اسود أو كاوتش عشان نلفها على أي حاجة عايزينها سواء سلسلة صغيرة للموبايل أو على القلم ودي ممكن نجيبها من عند اللي بيصلجوا الشنط الجلد أو من عند برضه بتوع الخردوات ومع الخامات دي هنستخدم مجموعة أدوات تسهل علينا شوية في تشكيل المعادن أولها طبعا الزرادية وغير كده كمان حاجة شبه البنسة برضه بس أساسها كاتر يعني بتقطع المعادن وشكلها زي الصورة دي لو الزرادية بتاعتك فيها مكان بيقطع المعادن وكويس يبقى ممكن نسنغنى عن الكاتر ده وفيه شكل تاني من الزرادية مدور شوية زي ماحنا شايفين عشان نقدر نتحكم في شكل الحلقات ودلوقتي نبدأ مع بعض نبدأ الأول بالدبابيس بتاعتنا نحط فيها الخرز بالترتيب وفي الآخر نعمل شكله حلقة زي الصورة بعد كده هنجيب السلك وندخله في ناحية من الاكسسوار بتاعنا وبعدين نلفه على السلك الناحية الأولى بالشكل ده الجهة التانية من السلك اللي مش مربوطة بالاكسسوار طبعا هنربطها بالسلسلة اللي عملناها بالخرز في الأول وده بعد مانعمله زي قطعة الاكسسوار نلفه الأول حولين نفسه ونطلع زي حلقة منه واللي هيتم ربطها بالسلسلة وفي النهاية بيكون شكلها كده بعد مانحطها على القلم بتاعنا وزي ماقلتلكوا في الأول ممكن نحطها في الموبايل مع زيادة السلاسل بتاعتنا بنفس الطريقة مثلا __________________
المصحف الالكترونى
حملوه بالله عليكم http://quran.muslim-web.com إذاكانت الحياة تقاس بالسعادة....فأكتبوا على قبري ماتت قبل الولادة |
07-12-2009, 10:40 PM | #2 |
|
رد: صناعة الاكسسورات
الأنسيال ده شكله جميل وبالرغم من انه لأول وهلة ممكن نقول صعب لكن هتحسوا معايا انه في منتهى السهولة والبساطة وممكن تستخدموا أي لون تحبوه اللون اللي معايا دلوقتي الأورنج مع اللون البيج الفاتح أو السكري الخامات: هنستخدم سلسلة طولها حسب ما تحبي على أد إيدك أو أوسع حاجة بسيطة ونجيب قفل عشان نقفل بيه الأنسيال كمان هنستخدم الدبابيس اللي قولنا عليها بس المرة دي كتير شوية وهنستخدم مجموعة من الخرز على شكل نقطة الميا لونها سكري حجم كبير وحجم أصغر والباقي على شكل السمبوكسات (سمبوسك) لونها أورنج برضه حجم كبير وحجم أصغر وهنستخدم مجموعة خرز لونه نحاسي صغير كفواصل بين الخرز بتاعنا أول حاجة هنبدأ بيها هي أبسط حاجة وهي تركيب القفل بتاعنا في السلسلة عن طريق الزرادية ونقفل الحلقة بتاعته كويس أوي بعد كده هنبدأ في تركيب الخرز الأول نجيب دبوس من الخامات اللي معانا وندخل فيه خرزة سكري وبعدها الفاصل النحاسي وبعدها خرزة أورنج زي الصور بالظبط وبعد كده نتنيه بالشكل ده ونعمل حلقة عشان نوصلها بالسلسلة بالطريقة دي وندخلها في السلسلة بتاعتنا كده ونلف السلك بتاع الخرز حولين نفسه بالشكل ده ركزوا عشان صغير مش باين أوي ونقفل اللفة كويس على السلك بالشكل ده ونكمل باقي الخرز بنفس الطريقة لحد الآخر مع تبديل الأولان مرة الكبيرة السكري ومرة الكبيرة الأورنج ممكن الحكاية دي تاخد وقت شوية بس أكيد في الآخر هي بسيطة وشكلها كمان جميل أوي وده الشكل النهائي للأنسيال __________________ وعشان كده جبتلكوا معايا حلق شكله جديد موت وكالعادة هنبدأ بالخامات اللي معانا أول حاجة معانا هنجيب سلكين معدن أتخن من اللي استخدمناهم قبل كده تخنه اتنين مللي تقريبا أو مللي ونص عشان نعمل بيهم الشكل الأساسي للحلق اللي معانا ومعاه الحلقتين أو المعدنين اللي بيتركبوا في أي حلق عشان نلبسه في ودننا وزي ماقلت قبل كده ممكن نشتريهم جاهزين أو نعملهم بادينا بالزرادية بعد كده هنحتاج خرزتين على شكل اسطوانة صغيرة زي اللي في الصورة وأربع خرزات صغيرين باللون الدهبي ومش هننسا الزرادية بأشكالها ولو مش بتقطع نجيب الكاتر cutter الخاص بالمعادن الجديد دلوقتي هو الشاكوش (شاكوش؟؟) أيييوة شاكوش صغير خاص بمعادن الاكسسوارات ممكن تلاقوه برضه عند بتوع الخردوات أو تسألوه على مكانه يعني لو مالقيتوهوش مش مشكلة أي شاكوش وخلاص ومعاه قطعة معدن عشان ندق عليها السلك اللي هنشكله طبعا لو عندكوا بدالها ترابيزة متينة (مش محتاجينها ) مافيش مشكلة نيجي للطريقة هنبدأ الأول نشكل أطراف السلوك اللي معانا بالزرادية على شكل حلزوني بالطريقة دي بعد كده نبدأ نتني السلك ونركب فيه الخرز بتاعنا زي الصورة كده وبعد مانحط الخرز في السلك نبدأ نلفه من طرفه التاني عشان يقفل على الخرز بالشكل ده طبعا ماحدش يقوللي بعد كل ده ان الحلق هيطلع شكله مستقيم ومظبوط زي الصورة أكيد هيبقى شكله ملخبط وملوي من كل حتة والحلزونة جاية يمين ورايحة شمال هنبدأ ندق عليها بالشاكوش عشان تتفرد وشكلها يتظبط كأننا بنكويها يعني في النهاية بيكون ده شكل الحلق والطريقة بسيطة وسريعة في نفس الوقت يعني مافيش أحلى من كده |
المصحف الالكترونى
حملوه بالله عليكم http://quran.muslim-web.com إذاكانت الحياة تقاس بالسعادة....فأكتبوا على قبري ماتت قبل الولادة |
07-12-2009, 10:41 PM | #3 |
|
رد: صناعة الاكسسورات
بالشكل ده
و بالشكل الجاااامد ده كمااان |
المصحف الالكترونى
حملوه بالله عليكم http://quran.muslim-web.com إذاكانت الحياة تقاس بالسعادة....فأكتبوا على قبري ماتت قبل الولادة |
07-12-2009, 10:42 PM | #4 |
|
رد: صناعة الاكسسورات
دي تنفعه علقه لموبايل او للميداليه
و سهله جدا و دي الادوات المستخدمه قفل و خيط و خرز الاول بنلف الخيط علي القفل علشان الشكل و علشان تثبيت الخيط اللي هيتثبت عليه الخرز يارب تكون عجبتكم |
المصحف الالكترونى
حملوه بالله عليكم http://quran.muslim-web.com إذاكانت الحياة تقاس بالسعادة....فأكتبوا على قبري ماتت قبل الولادة |
08-12-2009, 01:30 PM | #5 |
|
رد: صناعة الاكسسورات
يسلمو غلاتي ع الموضوع الخطير
ماننحرمش يارب تقبلي طلتي |
In a time where the sun descends alone
I ran a long long way from home To find a heart that is made of stone.. Fading like a rose Fading like a rose Fading like a rose ---------- <!-- / message -->م ــغرم ـــه |
08-12-2009, 03:06 PM | #6 |
|
رد: صناعة الاكسسورات
شكرا ميمو
لتواجدك فى موضوعى |
المصحف الالكترونى
حملوه بالله عليكم http://quran.muslim-web.com إذاكانت الحياة تقاس بالسعادة....فأكتبوا على قبري ماتت قبل الولادة |
08-12-2009, 07:05 PM | #7 |
|
رد: صناعة الاكسسورات
وااااااااااااااو
روعه جننننننننننننان شكرررررررررررررررراااااااااااااااا |
|
08-12-2009, 08:22 PM | #8 |
|
رد: صناعة الاكسسورات
شكرا لمرورك على موضوعى
|
المصحف الالكترونى
حملوه بالله عليكم http://quran.muslim-web.com إذاكانت الحياة تقاس بالسعادة....فأكتبوا على قبري ماتت قبل الولادة |
20-12-2009, 07:50 AM | #9 |
مشرـرفة .::.ديكورآتي.::.
|
رد: صناعة الاكسسورات
مجهوووود رائـــــــع مشكووووووره والله يعطيك الف عافيه ودمتي بخير ,,,,,,, |
|
20-12-2009, 10:18 AM | #10 |
|
رد: صناعة الاكسسورات
تسلمى
مغرمة على المرور جزاك الله خيرا |
المصحف الالكترونى
حملوه بالله عليكم http://quran.muslim-web.com إذاكانت الحياة تقاس بالسعادة....فأكتبوا على قبري ماتت قبل الولادة |
Bookmarks |
Tags |
الاكسسورات, صناعة |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
دورة صناعة البترول والغاز#دورات البترول - النفط والغاز#مركزالتدريب الدولي itr | saraITR | الــإعــلانــاتـــ الــمـــجــــانــيـــه --- تم إيقاف القسم بالكامل لايقبل المشاركات | 0 | 24-04-2024 03:03 AM |
إتقان فن صناعة الأقفال: فتح الأبواب وفتح الأقفال في الكويت | Hani Muhammad | الــإعــلانــاتـــ الــمـــجــــانــيـــه --- تم إيقاف القسم بالكامل لايقبل المشاركات | 0 | 06-02-2024 08:08 PM |
بهاء حنيش يشرح كيف تبدأ في صناعة المحتوى | غوايش | الــإعــلانــاتـــ الــمـــجــــانــيـــه --- تم إيقاف القسم بالكامل لايقبل المشاركات | 0 | 13-10-2023 01:05 AM |
الو افريقيا مصنع المنيوم: التفوق في صناعة الألمنيوم | الشركة الهندسية | الــإعــلانــاتـــ الــمـــجــــانــيـــه --- تم إيقاف القسم بالكامل لايقبل المشاركات | 0 | 08-08-2023 02:26 PM |
أفضل شركة تعمل في صناعة الكرفانات وصاج بانل في مصر | yehia ashraf | الــإعــلانــاتـــ الــمـــجــــانــيـــه --- تم إيقاف القسم بالكامل لايقبل المشاركات | 0 | 12-07-2023 12:30 AM |
الإعلانات النصية |
|||||