********الــجــرح*******

.
::
::
.
الجرح ماهو خاطر شوي ويروق
الجرح حتى لو تشافى يعلّلْك
::
وإذاك متحمس متاهات وطروق
انا تعبت اشد حيلي واحاولك
::
سماي ماشي شمس ورعود وبروق
والريح ماهبّت ولايجري الفلك
::
والقلب ناشف بحر..وشقوقه شقوق
وشلون بيكّود سحاب ويبلّلْك
::
ياظامي انا اظما..ومتشبع حروق
وإذاك ضامي للمواصل انا هلْك
::
هلْك..ووقف في وجهي الاصل والذوق
والمجتمع,والعرف,والفقر,وآهلك!
::
متعومس..وحزن النبلاء مرموق
يعني لو احتاج إلك ماجيتك اسألك
::
اللي علي اشكي.. واعاتبك برفوق
واقول لك ودّي ماعاد آتأملك
::
من دوة الايام ياخوك مخنوق
الوقت مشاني من السلك للسلك
::
ازل خطوه بس ما ازل منطوق
ولو صارت ابا احب خشمك واجاملك
::
يبقى البني آدم مجرد ومخلوق
مَلِك..ولكن في الحقيقه بلا مُلْك
::
والناس عوق الناس..والدرب مسبوق
تتعب على اشيا فـ الآخر ماهي بإلك
::
كذاب قايل:كل مطرود ملحوق
سنين وانا اطردك وازريت لا اوصلك
::
كنك تطيش وكني ادور في طوق
كل ماوصلت آخرك يطلع لي اولك
::
ياليت مافي خاطري شوق وفروق
ماكان حسيت ان انا بس منك وإلك
::
الشوق ماهو رعشه وقبضة عروق
وماهو اللي من شينك فـ عينك
يجمّلك
::
وماهو شعور يخالج الروح برفوق
وتطير..ولا ودّك انها تنزلك
::
الشوق هذا..والا انا شوقي البوق
ماقد حصل في شوق هذي ولا تلك
::
تدري وش اسوي الى اضناني الشوق
اسوي بعيوني كذا..واتخيلك
::
واقربك واتوق..واتوق..واتوق
واكثر واحلف ماعاد اقللك
::
واصوّرك في الموق..وتكبر على الموق
وتطيح مع دمعي على ايدي واقبلك
::
هذا غلاي اللي مع الدم مدقوق
ولاعاد تسأل عن شعوري بزعلك
::
محبةٍ ماهيب من طارف السوق
لو انك توكّل..كان والله لا اكلك
::
جيتك حقوق ورحت ماعندي حقوق
وان قلت مااحبك ابجحد مواصلك
::
احبك!!!!؟
الا يابري حالي وعوق
من كثر ماحبك اخاف اني اقتلك
.
::
::
.
.+.المُبـــــدع .+.
:: ســ ع ــد عــ ل ــوش ::

طيـــــ ر مجـــ رووح

احبك!!!!؟
الا يابري حالي وعوق
من كثر ماحبك اخاف اني اقتلك
الله عليك طير مجروح صح السانك
تقبل مروري واحترامي

طير مجروح


صح لساااانك على الكلمات
الجميله والراااائعه
رااااااااااااااااااااااااق لي
تحيااااااتي

والقلب ناشف بحر..وشقوقه شقوق
وشلون بيكّود سحاب ويبلّلْك


يعطيك ألف عافيه كلمات رائعه

آآآ شكركم على اطــــــله آلقميلــه


لكم ودي

اشكرك يام ـبدع ..
لاعدمناك يارب
تقبل طلتي