شاعر متأثر بالكمبيوتر‎

شاعر متأثر بالكمبيوتر









فيروس هجرك عطل القلب تعطيـل ...... ودمر ملفات الفـرح فـي حياتـي

ياللي سكنت القلب من دون تحميل...... متـى لموقعنا تشـرف وتـاتـي






عنونكم ماهـوب ياهو وهوتميل...... عنوانكـم روحـي و قلبـي و ذاتـي






كم مرةٍ أرسلـت لـك عبر الأيميل...... وأدورك فـي منتداي وشاتي






وأرسلت لك يا زين فايل ورى فايل...... فيها الغلا والحـب يا أغـلى أمنياتـي






وأرسلت لك قصة عذابي مع الريل...... ياللي غيابك هـو سبايـب شقاتـي






دايم عليك أبحـث بياهوو قوقل...... وأنـت ولا تسـأل علينـا بتـاتـي






خابرك بنتيوم فور أصلـي و أنتل...... لكن خسـارة غيـروك الوشاتـي






وكان الهكرغروك بالقـال والقيـل ...... بأدعي عليهم في سجودي وصلاتي






ياجعلهـم بقعـاء وطيـرٍ أبابـيـل ...... ترمي عليهم بأمـر ربـي حصاتـي






يرضيك من حبك غدى منهك الحيـل ...... ريقي غدى ناشف ويبسـت شفاتـي






أقضي الليالي دمع عينـي هماليـل ...... لا مـن طريتيلـي تـبـدد مبـاتـي






صحـراي جفـت مالفانـا مخاييـل ...... وأنت المزون اللـي تـروّي نباتـي






وياشين حالي لا قريـت المراسيـل ...... في ألاوتولك أذكر قصص ماضياتي






منك حزين الحرف شـاف البهاذيـل ...... وقلبك مثل قرص صلب في القساتي






موقعك في وجهـي مقفـل بتقفيـل ...... حتى البروكسي مانفـع وش سواتـي






بمفضلة قلبـي عطينـاك تفضيـل ...... أنـت المفضـل عندنـا يا غنـاتـي






ويا زين هجرك عطل القلب تعطيـل ...... ومن غير شوفك وش تساوي حياتي






كني بدونك قرص فـارغ ولا فيل...... فاسـد ومرمـي بسلـة المهملاتـي






ماعدت أفرق بين أكسس وأكسل...... وماعدت أفرق بيـن بلتك وشاتي






وباشكي على الكيبوردكثر الغرابيل ...... وأكتب على الوورد المطور وصاتي






وهذي النهاية حطها وسـط تضليل...... لا مـت ف غيابـك سبايـب مماتـي

وسلامتكم