حبيبي نام ياعمري على صدري وصارحني

حبيبي نام ياعمري
على صدري وصارحني
وفض الصمت باحساسك
وخل الحب لي يجري

وفضفض لي بعد عمري
وعاتبني وفهمني
أنا اطري على بالك
كثر ما أنته علي تطري

تعال أقرب من أحضاني
ترى خدك مواعدني
يبي يلامس شغف روحي
ويقطف بوحي من شعري

تعال أنثر هنا ليلك
وخل ويلك يولعني
أنا أحبك وأبي قربك
ترى مني قضى صبري

أنا نبضك
زهر أرضك
وأنت ؟! ايه تملكني
بنحل خصرك ,,
جمر ثغرك
وزود بلونك الخمري

تتوهني تغرقني
ومن بردك تدثرني
وتبكي لي
وتشكي لي
وله قلبك
ومن سحري

أبي دموعك
مع أنفاسك
بصدق الود
تحرقني
وأبي عطرك
مع سحرك
وأهك بالحشا تسري

أبي همسك يبعثرني غلا
ولمسك يلملمني
وأبي عيونك من عيوني تذوب
من الولع كثري

وأبي عهدك
مع وعدك
وأبي كلك تسلمني


وتحييني بـ هلا شوقك
حلا ذوقك يشتتني
يلوعني
و
يأسرني
ويملك بالغلا فكري

ابي أيدك تسافر بي
وزهر قدك يلحفني
وأهيم بعالمك عاشق
جنوني أنت
وانت بي تدري

تشوف الجمر بعيوني
تشوف الشوق جنني
اجل تدري
مثل ما ادري
بأنك حلمي يابدري

حبيبي
قوم وصارحني
عن احساسك
وعلمني
أنا أطري على بالك
كثر ما أنته علي تطري

أخوكم ...... بقايا جروح

بقايا جـــــــــــروح :

وسنفونية غرام
تداعب القلوب حباً
وشغفاً وغراماً

كم هو رائع هذا العزف
اطربت مهجتي


احترامي وتقديري
القيصــــــــــر

الله يعطيك العافيه اخوي بقايا جروح على الكلمات الاكثر من رائعه

يؤ

يؤ

يؤ

كلمات جدا جميله كلها احساس ومشاعر صادقه
اعشق هالنوع من الكلمات الرووووووووووعه

يسلمووعلى الذوق في الاختيار والطرح