ليـــــه تنســانا الأمـــاكن ؟!

الأمـاكن . . ماهي إلا بقايا ذكريـات . .
البعض بقيَت أشلاؤه و الأخرى تلاشت و لم يبقَ لها أثـر .. .
أبيـات . . أو كلمات خُطَّت بقلم / رٍيــمَــآ الـعـلي . .
رائعه . . نالت إعجابي و أتمنى أن تنال إعجابكم . .

ليــــه تنســـانا الأمــــاكن . ؟؟

بعد مامرّت سنين . . .
وزاد في دمي الحنين . .
قلت : أبمرّ الأماكن ..!
أشتهي غبااار المساكن . . !
كانت اللحظة جنون . . .
وكان فيني الشوق ساكن ..!!
.
.
ورحت لملمت البقايا . .
والشظايا . .
بكتب آخر فصل . . تحويه الحكايه ..!
.
.
وفي مسافات الطريق . .
كنت في الذكرى "غريق" ..!
.
.
وانتهت فيني المسافة . .
وابتدت غربه ومخافه ..!

جيت حييّت المدينه . . .
اللي عنها رحت طفله ، ايدي في ايدين أمي . .
جيتها وفي يديني همّي ..!
.
.
وللأسف ، كل شي خذلني ..!
المكان اللي حضنّي . .
هو نفسه اللي رفضني .. !!
.
.
ليه تنسى يااا مكان ..؟!!
خفت . . .
ضيعت الأمان ..!

صار اللي ماهقيته ..
وين بيتٍ وأنـا طفله قِد بنيته ؟!
وين إحساس زرعته وماجنيته ..؟!
.
.
تهت .. ضيعت الهدى . .
صحت فيهم ..
" منهو فيكم . . شاف بيتي ؟؟ "
ومايرد إلا الصدى ..!!
وتمتماتي . .
: " ليتني ماجيييييت .. !
ليتي !! "

" هااهـ أختي .. وش بغيتي ؟؟! "
التفتّ ..
ماعرفت إلا العيون . .
وصـووت عمره مايهون ....!!
قال : " سااره ؟؟ "
"والله دنياااا "
" ماعرفتيني ياساره ؟؟ "
" أنا اللي عنك أدافع " ..
" وأتبعك في كل حارهـ " !!
.
.
اختلط حزني وفرحي ..
همس صوته . . هدِّ صرحي !!
وتوهـ يذكرني المكان ..
وتوّهـ يرجع لي الزمان . .
وتوووها تحلى الحكاية ..!!!
وابتديت أكتب بداية فصل . . عنوانه ( النهاية ) ..!
.
.



" هاهـ ساره ؟ "
" وين صرتي ؟؟ "
" قبل ماأنسى . . . "
" هذي مرتي " ..!
" ذي فلانه .. تعرفيها ؟ "
"بنت عمي . . اللي كنتي لما نلعب تطرديها " !!
"صح صغيرة " ..!!
" بس وربي إن غلاها بوزن ديرة " ..!!
.
.


" تدري ساره ؟ "
" وربي في ( مرّهـ ) ذكرتكـ .. عند بابكـ "
" إلا بسأل .. وشهو جابكـ " ؟؟!

(( وشهو جـابك ..?! ))
.
.



هالسؤال اللي صفعني ..!!
ابتسمت له بثقل .. !
وقلت : . . أوراق وشغل . .
ورحت أمشي بكل ثقه . .
كني أدري لوين أمشي . .!؟
والله .. مدرررري ..!!؟
انتظرته يقول .. " بدري" ..!!
.
.


بس راااااح . .!
ونصل حرفه في الجراح . .
.
.
وانتهت فيني المسافه . . .
وكل شي أعلن جفافه !!!
وانتهييت ..
وأنا تـوّي . . ما ابتديت ..!
.
.


وانتثر حبر الحكاااايه . .
وانلغى . . فصل ( النهـااية ) ..!!

مما تصفحت واعجبني ~

روووووووووووووووووووووووووعه...
يعطيك الف عافيه على الطرح المتميز..
لاعدمناك يالغلا..

كلمات رااااااائعه..
سلمت انااملك على الطرح الرائع..
لاحرمنا منك ومن ابداعك..
نترقب جديدك بشووق.

موضوع رائع ومتميز ومفيد من انسانة رائعة ومتميزة دوما
عن جد سلمت يداكي ع الموضوع الرائع والتنسيق الرقيق

__

غرآمي ذبحهم

مشكوره على مرورك
محبتي

غرور الورد
امطرت الدنيا حبا باطلالتكِ غاليتي
تزينت حروفي .. وتلألأت كلماتي
اشكركِ على رقة تواجدكِ
دمتِ لي اختا رائعة

بقايا امراه

مروورك الارووع
مااسعدني بمروورك العذب
لاعدمناك

قمه في الرووع ــه
اشكرك من قلبي .. لطرح ـك الراائع
لاع ـدمناك غلاتي ..
تقبلي طلتي

يسلموووووووووو على الطرح المميز
بانتظار جديدك
دمتي بخير

ميمو
اسعدني مرورك الرآئع
مودتي