كلمات الفله عند الشبااب

ايميل جاني مرا لزوز عجبني

فيلو كلمات القايز يقولوها هينا في الحجاز تقريبا..

بس في كم كلمة نسي يكتبها الكاتب لووووووووولز

زي مثلا اسمع اخويا يكلم اصحابو ويقوول

بيض..

ويعني لمن يكون الانسان مرا يطفش تقريبا

دا الولد بيض..

زي الي ماعندهم هرجة كيكي

او مثلا يكون السوق فاااااااضي

السوق مرا بيض اليوم لوووووولز

يعني شي يطفش عالاخر



وكمانا برضو كلمة

يااااااد..

اخويا دايمن يكلم اصحابو بيها ونا يكلمني بيها كمانا

الوحش بس يزعلني لوووولز

ويقول مثلا يااد فاتك اليوم شفتلك سيارة جيييدة



في دي الكلمة.. مع نفسك

منتشرة في الجامعة بشكل موطبيعي

مثلا تجي وحدة تقول انا مرة مبصوطة اليوم والباقيين لا

يقومو يقولوها مع نفسك

اصلا يعني مو شرط يكون كدا

احسها بعد اي جملة يقولها الي قدامك تقدر تقولو هيا

ويقوم يلطشك خخخخخخخخخخخ


وكمانا في كلمة

ياااااااخي
دي تنقال بدل ماتنادي الانسان

زي مثلا احم احم الي عندهم فقدان زاكرة اسامي لوووووووول



اهب..

للحسد لووووووووول

اهب عالايميل الجيد لوووووووول مثلا

عشان تمنع الحسد قول

اهب مشالله خخخخخخخخ



وفي كلمة تانيا قالتلي هيا صحبتي

مستكن

يعني اظن انها مروق او شي زي كدا

يعني ساكن نفسو مثلا خخخخخ





اااااااه نسيت اقولكم كلمة خرفنتها

اهربووووو..

دي الكلمة لمن مثلا تجي سيارة شباب تعاكسنا

ويكونو الي جوتها عفنين نقوم نقول اهربوووووووووو

او ممكن صاحبك يجي يقولك انا جايك دحين ونتا منت فايقلو

تقوم تقلو اهربوووووووووووو لوووووووولز

او مثلا امك طلبت منك طلب يطفش تقوم تقولها اهربووووو

هيا معاها حركة ترا لمن كونت مجنونة مشالله عليا انا وصحباتي نسويها

زي كانك بتسبح خخخخخخخخخ

انا حاسة انكم بتقولو دحينا اهربو خخخخخخخخخخخخخخ





خلالاص بس دي الكلمات الي اتزكرها

ويلا نشوف ايش في كلمات تانية الي جاتني عالايميل..


أبو كلب
وهادي الكلمة تنقال لما يكون في شي ما يعجبك هههههههههاي يعني زي
لمن يكون جوالك قديم ومعدوم العافيه تقول عليه جوال أبو كلب ولمن
يكون قلمك ما بيكتب زي الأوادم ويقطع تقول قلم
أبو كلب



أشكل

جات فتره انتشرت دي الكلمة بصورة كبيرة وهيا بشكل عام معناها الطناش
فلمن تيجي تبغى تطنش شي تقول أديه اشكل ومأخودة من لعبة البلوت او
الورق للاخوان اللي ما يعرفو معنى البلوت
أطبعوا
ههههههههههاي من الألفاظ المضحكة جدا وتنقال لمن شخص ما يسمعك ويسأل
ايش قولت وماتعيد الكلام تاني فتقوله اطبعو بلاهه وربي
بلاهه






أل

انتشرت بشكل رهيب اضافة ال التعريف من باب المبالغة في الفترة
الاخيرة زي مثلا لمن تشوف واحد غشيم تقول مو بس غشيم الغشيم ههههههه
لمن شباب يعاكسوا في السوق ويشوفو بنات ما يقولو بنات البنات ما رح
يفهمها الا اهل الحجاز بصراحه لانها تتنطق بطريقة مميزه
=== > يموت في الطرق المميزه




إنبراش

نعرف انه لمن بتلعب كوره واحد يدخل عليك معناتها انبرش عليك لكن عند
الشباب صار لها معنى تاني انبراشة صار معناها انه دخله غلط وسط
الكلام يعني انه تكون انته والشلة بتهرجوا في موضوع ويجي واحد يقول
كلام مالو أي علاقة بالموضوع هنا نقول فلان انبرش وهادي تصير
انبراشه
ولا لمن يكون الكل ساكت ويجي واحد يقول كلام ماله داعي زي
نكته بايخه مثلا هنا نقول على الحركة دي انبراشه





بسط وهز وسط
تخيلو الفيلم الهندي دا كولو عشان تجاوب على احد يقولك كيف حالك؟
بلف
:ههههههههههاي من اضحك المصطلحات بصراحة طبعا الشباب يعرفو البلوف
معنى انه شخص ينبلف يعني انه يسوي الشي بسرعه بدون تفكير مثلا لو
شاف صاحبه اشترى سياره جديده وعجبته قوام جاب وحده من نفس النوع هنا
نقول انه بلف ينبلف بسرعة هههههههههاي ولمن يكونو اتنين بيتضاربو
ويجي واحد يحرش ..

ولا لما يكون واحد يجري بالكورة ولساعو بعيد عن المرمى ويجي واحد

يقولو شوووت يقوم يشووت كدا بسرعة دا نقول عليه انبلف ههههههههااي
احس بعض الناس ماحتفهمها بس هوا معناها كده وخلاص




تشبيك
: ودي الكلمة معروفه وانتشرت بمختلف ارجاء المعمورة ومعناها انه لمن
واحد يقول انا شبكت فلانه يعني انا خليتها تعجب فيا وتحبني ولا
تكلمني وزي كدا




تغريز

كلمة يعرف انه لمن السيارة تغرز يعني تغرز في الرمل لكن بين الشباب
المصطلح ده غير يعني لمن انته تيجي وتقول غرزت عند فلانه يعني وقعت
في دباديبها ههههههههههه او تقول فلانه غرزت عندي يعني وقعت في
دباديبي ايش بالله الكلام الفاضي دا نجيبلك ونش
احسنلك
هههههههههههههههههههاي


حمزه
: هادي اللفظ اللي المفروض يتلغى من قاموس الشباب بتاتا البتة لأنه
على اسم صحابي جليل وحرام نهين الأسم بالصوره هادي وحمزه هادا اللفظ
معروف حاليا بين مجتمع الشباب بالشخص الركاب يعني الكزاب فلمن تلاقي
احد يبكش يقولوه بس ياحمزه
((ومو قصدي عليك ياحمزه ))


جنط
: الكل يعرف جنوط السيارات طبعا لكن اليومين دول برضو صار للجنط
معنى تاني ..
يعني لمن واحد يقرفك ويطفشك من كلامو ..
يقولولك الشباب اعطيلو جنط يعني طناش ..
وهادي زكرتها فوق بمعنى
أشكل


دافور
: دافور معناها زمان في الحجاز الفرن ولكن دحين صار معناها البنت او
الولد الشاطر\ة في الدراسة نقول عنه\ا دافور\ه اللي دايمن شغال
عالكتب ولا يسيبها زي ما يسموه المصارية عثة كتب


دعس
: دي الكلمة تنقال للاقدام على الشي وتنفع مرادف لكلمة قدام يعني
لمن مثلا يجي احد يقولك تيجي نروح التحلية ترد عليه وتقول والله دعس
يعني يلا معاك
ولا هيا شباب نلعب كورة يقولولو ادعس


زي الكرتوووون :
تنقال للواحد
الأهبل




شاكوش

: معناها الاصلي طبعا المطرقة لكن دحين صار معناها البنت ولا الولد
اللي مو حلو هههههههاي نقول عنه شاكوش




شباب في رحلة

: وهيا مرادف لكلمة مشى حالك اللي أستخدمتها كتير في كلامي فلمن
تعمل شي وما يطلع مره مزبوط فتقول للي جنبك يااخي عادي شباب في رحلة
ههههههههههاي من فين جات هادي الله اعلم
ولا تسوي شي مو معتاد كدا وتحس احد استغرب فتقولو شباب في رحلة ياخي


شوربة

: طبعا كلنا نعرف الشوربة احلى شي عندنا هنا شوربة الحب على الفطور
ياسلام سلم لكن
هنا معناها غير فلمن انته تقول شوربه يعني شي سهل
فلمن مثلا يكون عندك اختبار ويكون سهل جدا تقول الاختبار كان شوربة
وهكذا
ولا مسلا تكلم احد وتقولو انا اروح شوربه ..
يعني اروح وطي ..
ولا تيجي المدام تجبلك الاكل تقوم تقولها حياتي من غيرك شوربة


صاروخ

: هههههههاي طبعا نعرف الصواريخ لكن هنا معناها شي ثاني معناها

البنت الحلوة فلمن الاولاد يشوفو بنت حلوة يقولو عنها صاروخ




صهيوني
: كلمة جدا وحشه بصراحه وما احب انه نستخدمها وهي تنقال للشي الحلو
فيقولو لو شي جدا جميل صهيوني وهي مو حلوه لانه الصهاينة اليهود مو

من الجميل
ننسب لهم الحاجات الحلوه




طقطقة
: ودي الكلمة تنقال لمن تبغى تتسلي في واحد يعني تستعبط عليه وهوا
اهبل يكون مسكين على نياته وتلاقي ياما شباب مثلا متجمعين يقولو لو
جا فلان نطقطق عليه ولا تلاقي واحد يجي يقول امس طقطنا على راس فلان
وزي كده




في الألف وفي المليون

دي حلوه مره وهيا لمن تشوف شي يعجبك ويكون مميز مافي زي يعني او
تعمل حركه مميزه او شي زي كده لنفرض مثلا جوال عجبك تقول والله جوال
في الألف أو تقول جوال في المليون



ما عندك احد
: هههاي كلمه فله ولمن مايكون عندك هرجه
وتنقال للشي اللي مو تمام


نمرة واستمارة

: ودي تنقال عند التأكيد وغالبا في الغباء والهباله زي مثلا تقول

فلان أهبل بنمرة واستمارة


كاي
: وهادي هيا ضحكة الشباب الجديدة ويضحكوها وقت التريقة والشماتة و
لا دحين صار الضحك تقول كااااااي بصوت عالي وتمد الألف


هبقة
: هبقة زمان اعتقد كان معناها سرقة لكن دحين اتغير المعنى فلمن تقول
مثلا والله هبقت انا والشباب ورحنا الكباين متلا فهبقة فهنا معناها
طلعة وليها معنى تاني بمعنى هروب زي لمن طالب يقول أمس هبقت من
المدرسة يعني شردت منها او تسوي حاجة غريبة على حركاتك انتا تقول
يا
عمي هبقة


يعطيك
: دي الكلمة من الكلمات الجديدة وتنقال للتشجيع يعني لمن تلاقي احد
عامل حاجه رهيبه تقوله يعطيييييييييك بمد الياء التانية زي متلا
يكون سجل قول ولا شي زي كده


أرنب .. ركبتي ..
من الكلمات الي تدل اني انا بسمه بكشه قدامي ..
فيعني قلك بيسو انهم محترمين ومايبغو يقولو للقدامهم انو كزاب ..
يقومو يقولولو كده يعني زي واحد قاعد يتكلم ويحكي وكول كلامو بكش
يقوم واحد يقول للتاني يووواد شوف شوف ارانب



يلعن ام الفله ..
وهادي من
الكلمات الي ماسكه في لساني ...

لمن يكونو في شباب وعجبتهم مره الطلعه ولا في اولا يبسطو الواحد
يطلعو يقومو يقولو على الطلعه متلا يلعن ام الفله ..



امووو

يعني مسلا مين فين لأمو حلو ..
يابن الناس سيب امو في حالها هيا اشلها صلاح ..
فوكنا ..
يعني تكون مافيك و واصله معاك على النهايه ..
واحد مطفشك تقولو ياشيخ فوكنا ..


فوكها ..
هههههههههههاي هادي المره هوا حيفكها ..
لمن الواحد تكون اخلاكو زفت ومررره طين ..
تقولو ياشيخ خلاص فوكها
...


قويه ..
لمن يسير شي مو عاجبك ولا شي كده مو زي الناس ..
تقول قوييييييييييييه بشد الياء




خريييش..
دي الكلمة لمن تكون جالس بين الشباب ويجيك واحد

يجلس يكدب ويلفق في الحكاية ويملح فيهاتقوم تقول خريييييش



كووووووول ..
وتنقال على أي شي يعجبهم ..

وهادي حكتر منها ..



جييييييد ..
بشد الياء .. لمن يعجبك الشي كول جيييييييد ..



بااااااااد ....
لمن تشوف امر مو حلو ولا ولد سيء منظرو يقولو عليه باد .
بمد الالف ..



هيااا خير
كلمتي المعتادة
لما يسير شي مفاجيء ولا يكون في حاجة غريبة كدا ولا باسوي نفسي
مستغرب ولا باستهبل اني مش مستوبع فعلى طول

هيااااا
خيييييييييييييير



كل فطير وطير


يعني يللا روح سري راحت عليك خلاص



انشكاح ..

ومعناها يعني لمن الواحد بيسمع خبر حلو ولا عندو خرجه خطيره وفيها
فله تلاقي طاير من الفرح ومين قدو .. على طول نقولو بطل انشكاح
تلاقيه منشكح



لاتدف
كلمه حلوه وتنقال لمن تكون تتكلم ومتحمس في الهرجه ومتفعل في كلامو
ويأشر بيدو كده ويطلع فيها وينزل .. ولا واحد معصب وبيهزئ في الكلام .
ولا كده واحد يقول يلا بسرعه سوي كده دحين ..
تقوم تقولو
لاتدف

زرقنه ..
خخخخخخخخخخخخخخ كلمه جييييييييييييييده ..
واحد مخو ونافوخو ناشفه زي خخخخخ كده وتقعد تقولو وتشرحلو وتترجى ..
وهوى موصر كده يعني كده يعني مزرقن بقوه


قردنه ..
هادي غالبا ماتنقال على الناس الي مزرقنين ..
متلا تبغى تخرج وابوك مصر انك اليوم معاقب مافي خوروج ..
على طول يقولك صاحبك ياشيخ روح قردنو .. يعني روح جيب راسو ..
ههههههههههههههههههههههههاي
مو راسو يعني تروح تقتل الرجال وتجيب راسو ..
لا لا يعني تجيب الموافقه ويقول طيب او تروح تقول لصحبتك نبغا نخرج
وهيا تقولك لا ومدري ايش فتقعد تقردنها الين ما ترضى
ههههههههههااي


اصرفها.. اخرشها
هههههههههههاي كلمه في اللزيز ..
عندك كده كدبه ومنتى عارف تكزبها وخايف وعامل الولد الي ماعمرو يكزب
وانت دحين في ورطه ولازم تكزب ..
يقوم صاحبك يقولك ياشيخ خلاص اخرشها ولا اصرفها

ولا سويت مصيبة وتبغا تلف الموضوع فتبدا تفكر كيف تخرشها ولا تصرفها





نص كوم
حركات النص كوم دي بطلوها ..
تقعد تعملي انك ولد كووول وفي النهايه ايش تبغى ..
كده قول مين الاخير ..
عندك شي تبغاه مصلحه تبغاها قول ..

لكن لاتقعد تدحلس عندي وتعمل حركات نص كوم



يلالالالا سلالالالالامــز



ملطوووش طبعا

مشكور اخوي محبوب

ههههههههههههههههههههههههههههههههه




بس كلمااات خطيييرة



حلوة




احب اقووولها كتييييييييييييير




مشكوووور حبيبي على الموضوووووع

مشكور اخوي محبوب على الموضوع الخطير ويعطيك العافيه

يالبحريني وحطموك واميره

كلك ابووكم مشكووورين على المروور والرد الجميل لموضوعي

الله على الكلمات الخطيررررررررررررررررررررررره

ارحمنا يااهوووووووووووه

هههههههههههههههههههههههههههههههههههههههههههههههههه هههه

يسلمووو محبوب
تحياتي
مين زعلك

خخخخخخخخخخخخخخخخخخخخخخخخخخخخخخ



والله قاعد اقرا واضحك


بصراحه كلمات نايس



يسلمووووووو خيوووووووو

الله يسلمكم ويسمنكم ويسلككم على المروور والرد