شوفو تخبيص بنات المتوسط...والله فللللللللللللله...عنجد روووعه

اليوم جايبه لكم موضوع عن بنات المتوسطوما ادراك ما بنات المتوسط


دجه

رجه

صياعه

طولة لسان لا وطولة لسان محترمه

لعنة خير

نطنطه

رقص وغنا لا ومن زين الأصوات

واحسن شئ فيهم {الفزعات}

شعارهم:ازحف للدنيا تزحفلك _عيش وفلها وربك يحلها

هدفهم:تضييع الوقت باي وسيله بس شغالين ع الهروووج...عجاااايز

لا وعندهم تعصب قبلي وغطوا على الشباب من هالناحيه لوول!!!

يعني هاذي شمريه تهاوشت مع دوسريه عشانها قالت الشمامره...........

وهاذي سبيعيه تهاوشت مع عتيبيه عشانها قالت ........

وهاذي زهرانيه تهاوشت مع غامديه عشانها قالت.........

وهاذي حالتهم من اول ما يجون لين يطلعون على {الهده}والله حاله...وأنا وياهم ما أقصر

لا وما شاء الله عليهم عقولهم اكبر من سنهم يعني مثال بنت وياي بثالث متوسط عمرها 15 سنه

تعرف كل صغيره وكبيره واظن فاهمين قصدي زين الله يرحم زمان اول..والحال مع الكل
لا والفاهمه تعطي كورسات ودروس خصوصيه في حصص الفراغ لأي بنت مو فاهم((ياليتها في الدراسه فعالم تاااني مررره))

وتلقا كل وحده منهم معاها جوال اخر موديل ههه قصدي توه نازل بــ2000 ريال وشاريته

و هالشباب مساكين الرهيب بالحسره لووول مزحه ......فيني ضحك

وكل وحده فيهم عندها كومة شباب تعرفون وش يعني كومة شبابطالعه من قلب

تقولون هاذي عمرها 25 مو 15
لا واذا جت المباريات بين الانديه هوشات مو صاحييييييه((شي فظيييع))


مثلا:
بنت تهاوشت مع الثانيه وطلعت دمها يوم فاز الإتي ع الهلال عشانها قالت الإتي يغطي ع الهلال بالراحه كفو تعجبني والله

ومثال ثاني بنت قالت برشلونه تغطي على مانشستر يونايتد وتدوسها تحت جزمتها بعد

لا وانحش اذا جااء طاري اللاعبين اوووف اوووف تكفيخ ومكافخ ولعنة خير

عشان ياسر القحطانيي احسن من مالك معاذ ((تخسي والله))وعبد الرحمن القحطاني احسن من الجابر

ونواف التمياط جذاب اكثر من الشلهوب وووووو ....إلخ


لا وإذا فاز المنتخب المدرسه كلها تقلب خَضااار..
اللي كاتبه علىالمريول يالاخضر اللي ما تعرف المستحيل علم بلادك

في يمينك يا الاصيل وبخاخات وعلى الجدران واللي كاتبه يكفي ان الكون كله وراي لاني

سعوديه دايم الدوم قدام وعليهم وطنيه مو صاحيه بس يموتون على شئ اسمه فزاع الشيخ

حمدان يموتون عليه ههه يحقلهم بس أنا في هذي مو معاهم ويحبون قصيدة شاميه اتصلت غلطانه ويعشقون الشاعر لفى الهفتا


وما يقهرني الا ان المعلمات يخافون منهم وربي يخافون ولا قبل كم يوم معلمه مخلوعه

كتفها بالمدرسه تصوروا دابغين مدرسه والله زمن

ولا اذا راحوا للمدرسه قصدي للسكول على مراييلهم ما تقول مراييل للمدرسه تقول فساتين

عرس فتحات وخصر و انواع التزين انواع الكشخه وموديلات وانواع وانواع وانواع
ولا تسريحات الشعر كدش((أحيانا أسويها)) وغجري وحركات..



وكل اغنية تنزل حفظوها بدقيقه بعني لو الوزاره تخلي المناهج اغاني وتجيب راشد الماجد

يغنيها وربي ينجحون بالراحه ههه((يااااا لييييت هذي تصير))

والمشكله انهم يعرفون كل سياره تنزل ويعرفون موديلها قيمتها وشركتها والاقساط حقتها((بس والله فللله))


وطبعا كل وحده فيهم عندها اكثر من ايميل يعني ايميل للعايله وايميل لصديقاتها وايميل لاخوياها وايميل للمنتدياتها

لا واذا مروا شباب من عند المدرسه انواع الزحمه يا شيخ اللي تزين الكحل حقها ولا تعدل

لثمتها ولا تشيل الشيله خير شر كل هاذي عشان يقزوون صح!!!((والله الشباب مضلومين))اسحب عليه

وخصوصا اذا طلعوا على البيت سوري قصدي {الهده} انواع القز انواع الغمز واذا عجبهم

واحد نادوه وقطوا الرقم وراحوا والله حاله فضاوه((هذي الحركات ما تعجبني بالمرررررررررره))


وتعال بالحصه اللي تطقطق بعلكها واللي تاكل حب واللي تغني واللي يسولفون واللي


يحشون واللي يتفقون على هوشه واللي ناوين على معلمه ((ياما خططنا على معلمات ..أي معلمه جديده نجيب خبرها ..))واللي تشق دفترها واللي تقص في الكتاب..واللي ترسم

واللي تهستر بالمعلمه والشله هذيك منحاشه وشلة حليب نياق بالاداره الله لا يوريكم اذا حنا كذا وشلون المدارس الحكوميه


لا وكل يوم يلبسون بناطيل تحت مراييلهم عشان اذا لعبوا كوره ((حركاااات هذا إذا ضرب الطبلون عندنا نجيب الكوره ....ونخبصها))

طبعا كل يوم الشلل هاذي مخصصين حصه يهربون فيها بس في النهايه تكفشهم فيفي عبدو..((المشرفه هذي والله تشبهها))
حشا شباب مو بنات...
يروحون ورا ويفصخون ثيابهم طبعا البناطيل تحت يعني عادي ويلااا لعب اللي تقلد بيكهام واللي تقلد ياسر وهذيك تقلد كاكا والثانيه كريستيانو ولو تحطونهم بالانديه يفوزونها بالراحه والدبل كي ..وشي
وهستره بالمعلمات مو صاحيه بس ترا هم ما يقولون لك شئ بس لو تقربلهم ولا تتحرش فيهم رحت فخرايطها..وطي
وما يعترفون بشئ اسمه نظافة كتب يعني طنش تعش تنتعش..الكتب رايحه
صارت كتبهم وسيله تعبير عن النفس يعني اللي متضايقه على طول فتحت الكتاب وكتبتلك ذيك القصيده
واللي زهقانه تكتب بكتابها كل اغنيه حافظتها واللي ... واللي.... واللي....إلخ
هههههه
والمشكله دجه طول السنه ونهاية العام اللي جايبه نسبة 92% والثانيه95%..شي شي

وعليهم ثقه بانفسهم مو صاحيه الوحده واثقه من نفسها حييييييل من كل ناحيه
وما يمر يومين الا وهم متواعدات بمجمع يا مجمع الراشد ولا مجمع الظهران ولا فؤاد سنتر او الجمعه سيتي سنتر ولا جيان وبلا كارفور ولا المارينا حتى بالمشاغل حقت قص الشعر يتواعدون هناك
واذا جااء رمضان كالعاده فيه شئ اسمه صلاة تراويح هم يروحون عشان يدقونها سوالف دججججه من جد
وهاذي حالتهم مستحيل تتغير يعني صراحه العن من بنات الثانوي والجامعه حرااام البنت عمرها 15سنه 16سنه وداجه بس وناسه وربي على الاقل يطلعون من المدرسه بذكريات تضحك هههه
وهاذا هم بنات المتوسط اذا تبي تعرف اووووف قلق هالبنات
ههه
وعلى فكره احب اشكر..كل بنات ثالث متوسط يلي وياي بالمدرسه


و ما عندهم الا دعاء واحد ..
اللهم ضيع دفتر العلامات من المعلمين والمعلمات
ووفق الطلاب و الطالبات
ودمر المدرسين والمدرسات
واخسف بهم سابع سماوات
واصرف نظرهم عنا في وقت الاختبارات
وقرب ورقة الجارة منا في الاختبار وابعد نظر الاستاذة عنا
واجعل درجاتنا ستينات بدلا من صفرات
امين يالله اني دخيلة عليك

بس والله مدري كيف حروووح للثنوي ...صراحه المتوسطه قمه في الفلللللللللله...

منقول هع

</i>

يعطيك ربي الع ـافيه خييوو

تقبل طلتي

يعطيك العافيه

ودي ~