زهور الحب رواية سعودية أجزاء

هلا لينا

هلا فراشه

شكر للمتابعه

مر واحد عند هند ويناظرها

وهند مو معطيته وجه

ابعدت هند عنه وراحت لأتجاه ثاني

جا مسك ايدها قلها أبغى رقمك ياقلبي

هند ماقالت شي من الخوف

وفجأة واحد مسكة من ثوبه:خير وش تبغا فيها؟؟
--------------------------------------------------
الولد:والله انت اللي وش تبغى

راشد:اقول لا عاد اشوفك هنا مره ثانيه فاهم؟؟؟

والولد راح

وهند موب قادرة تتكلم ولا تتحرك من الخوف

راشد:كيفك هند

هند:الحمدلله بخير كيفك انت ورنا والوالده

راشد:الحمدلله كلنا بخير....وهذي هي اغراضك

هند:شكرا

راشد:تامرين على شي

هند:سلامتك

طلع راشد وهو مبسوط لانه كلم هند ولاكان معهم احد

وهند يعد مبسووطه مره

رجعت هدى:هلا هند

هند:هلا

هدى:وينه ماجاء تاخر

هند:تأخر؟؟؟؟؟.......جاء تو وعطاني الاغراض وراح

هدى:اووووه قهر ماخربت عليك

هند:وجع يوجعك ان شاءالله

هدى:اقول امشي ولايكثر

في بيت أبــــو تركي

التلفون يرن

راحت هند ورفعت السماعه

هند:الووووو

رنا:هلا هند كيفك؟

هند:الحمدلله تمام كيفك انتي؟؟؟؟

رنا:والله بخير الحمدلله....حبيت اقولك(بصوت حزين)امي ماوافقت

هند:لاااااه ليش؟

رنا:امزح معك وافقت والحمدلله

هند:اوووووه بغيت اموت الحمدلله انها وافقت

رنا:يالله بااااي

هند:باااي

وسكرت السماعه

هند فتحت باب غرفة هدى:هدى هدى.....راشد بيسافر معنا

هدى:اقول تقلعي..جايتني اعوذ بالله كانه محترق البيت واخرتها تقولين راشد بيسافر معنا..بعدين موب بس راشد بعد رنا وامهم

هند:اييه اعرف بس راشد اهم شي

هدى:اقول ماتبين تقلعين

هند:لا>>>>>وماتدري الا علبة العطر تمشي مليووووون بس الحمدلله نجت وطلعت

هند:اعوذ بالله وحش ذي...اقول اتصل على نوف ابرك لي

هند:الووو

فيصل:الوو منهي انتي

هند:وش تبي انت

فيصل:انتي المتصله وش تبين

هند:ايه صح انا هند عطني نوف

فيصل:طيب لاتنافخين

هند:اقول عطني ولا يكثر

فيصل:نووووووووف نووووووووف نوووووووف وجع

نوف:هاه وش تبي

فيصل:بنت عمك العله هند عند التلفون

نوف:اقول ماعله الا انت عطني التلفون بس.....الووو

هند:هلا نويف كيفك؟؟؟؟؟

نوف:الحمدلله بخير كيفك انتي

هند:والله كلنا بخير

نوف:ماسألتك عن غيرك سألتك انتي بس

هند:اقول وش صار عليكم وافقت امك وافق ابوك

نوف:اييه الحمدلله

هند:واااااااااااااااااااااااو ياسلااااااام وبعد ام راشد بيجوووون ياسلام

نوف:صدق؟!!! بيجووووووون

هند:باي

نوف:بااااي

يوم الخميس(بكرا) الكل تجهز للسفر وأعرفكم على العوائل اللي بتسافر

أبو تركي,أبووليد,أبوخالد,أبومحمد,أبوسلطان,أم راشد

وصلوا الــــشـــرقية>>>>الحمدلله على السلامه

هند:رنا تعالي اعرفك على الكل هذي خلود بنت عمي أبو وليد

رنا:هلا خلود

خلود:هلا رنا كيفك؟

رنا:الحمدلله بخير وانتي

خلود:الحمدلله تمام

عرفت هند الجميع على رنا وعرفت رنا عليهم

هند:طفشش
نوف:تونا واصلين وتقولين طفش

هند:ماجينا علشان نجلس جينا نتونس

نوف:اقول راسي بنفجر من كلامك احسن اسكتي

عند العيال

مشعل:اووووه عطشان وين الماء؟؟

سعود:بالمطبخ

كانت البنات عند الشاطئ الا هدى بالمطبخ

دخل مشعل بالمطبخ

مشعل:هلا هدى

هدى:هاا مشعل

مشعل:ايوه مشعل كيفك؟

هدى:بخير...وطلعت

مشعل:اوووه طالعه اليوم تجنن

هدى:والله اني استحيت واليوم طالع فللله

مشعل:ماأقصدق انا وهدى مع بعض

الساعه 1 بالليل الكل داخل الشاليه

معاذ:دحوم تعال نلعب بالتراب

عبدالرحمن:يالله مثينا

وطلعوا يلعبون وجاهم شاب

الشاب:تعالو ياشاطرين نروح للسوق نشري العاب

معاذ:يالله دحوم نروح

عبدالرحمن:يالله ابلوح(ابروح) معك وركبوا بالسيارة

أشواق:هدى ماشفتي معاذ؟؟

هدى:لا والله ماشفته

عبير:حتى دحومي وينه الله يستر بس

هدى:اكيد انهم عند الرجال

أشواق:لازم اتأكد ابتصل على تركي

تركي:هـلا حبيبتي

أشواق:هلا ماشفت معاذ

تركي:لا ماشفته شوفي يمكن يلعب بالتراب

أشواق:زين الحين اشوف

طلعت اشواق وماشافت احد وبدا خوافها يزداد

أشواق:يارب وينهم

واتصلت على تركي

أشواق:تركي اتصل على الشرطه

تركي:طيب

اتصل تركي على الشرطه ودوروا عليهم بس دون جدوا

الـــــســــــاعـــــــه 3

عبير:يارب انك تحفظهم يارب

هدى:هدي ياعبير ان شاءالله انهم بخير

وفجأة احد يطق الباب

معاذ:ماماااااااااا

عبدالرحمن:ماما افتحي الباب

عبير:ذولا هم.........وفتحت الباب وضمت ولدها عبدالرحمن

أشواق:وين كنتم؟؟

معاذ:رحنا مع واحد

عبير:تعرفونه ولا لا؟

عبدالرحمن:لا مانعلفه(مانعرفه)

أشواق:المره الثانيه اذا شفتوا احد ماتعرفونه لاتروحون معه فاهمين

عبدالرحمن ومعاذ:طيب

عبير:يالله روحو نامو

يــــــــوم الـــــجــــــمـــــــعــــــــه

الساعه 4 العصر

مشعل:سعوود تعال معي

سعود:وين

مشعل:اي مكان احس اني طفشان

سعود:يالله

بــــــسيارة مشــــــــعل

مشعل:وش رايك نروح لمحل عمي

سعود:فكرة زينه ..... بس المحل يسكر الساعه اربع وربع والمحل بعيد مايمدينا

مشعل:موب مشكله اسرع ونوصل ان شاءالله

وصارو يمشون 200

سعود:مشعل خفف السرعه

مشعل:معليك ليش خايف؟

سعود:تبيني ماأخاف وانت تمشي 200

وفـــــجـــــــأة كـــان فيه منعطف قوي حاول مشعل يخفف السرعه بس ماقدر وانقلبت السيارة

بالشالية وبالتحديد عند الشباب

وليد:وين مشعل وسعود

خالد:والله مادري عنهم خلهم يولون

موبايل محمد يرن

محمد:هذا سعود وش عنده...الووو

سعود:هلا محمد انا بمستشفى(......)

محمد:ليش وش فيك ووين مشعل؟؟؟

سعود:صار لنا حادث والحين مشعل بغرفة العمليات

محمد:طيب طيب هذاني جايك........(وسكر السماعه)....الله يستر بس

وليد(بخوف):وش فيهم؟؟

محمد:يقول انه صار عليهم حادث ومشعل بغرفة العمليات.....انا بروح من يجي معي

كل العيال قالو انهم بيجون معه

وصلوا المستشفى واستقبلهم سعود

محمد:هلا سعود انت وش صار لك؟؟

سعود:الحمدلله مافيني شي بس كسر بسيط باليد

محمد:الحمدلله طيب مشعل للحين بغرفة العمليات؟؟؟

سعود:ايه يارب انك تحفظه

رن جوال محمد ولقاها امه

أم محمد(وهي تبكي):كيف حاله مشعل؟؟؟

محمد:الحين هو بغرفة العمليات بس منهو اللي قالك عن الحادث؟؟؟؟؟

أم محمد:ماجد هو اللي قالي قبل تروحون

محمد:اوريه يالله يمه مع السلامه

أم محمد:مع السلامه

أم محمد تبكي والحريم يهدونها

أريام:خلاص يمه مايصير ان شاءالله بخير

هدى:خالتي مالك الا تدعين له ان ربي يقومه بالسلامه

بعد نصف ساعه

اتصلت أريام على محمد

أريام:هاه محمد وش صار

محمد:للحين ماصار شي اذا قالنا الدكتور اتصلت عليكم خلاص؟؟

أريام:ايه خلاص

بعد ساعه رن جوال أريام

أريام:هلا محمد بشر؟؟

محمد:

نــــــهـــــــــايــــــــة الـــــــــبـــــــــــارت

مشكوووووور على القصه

واحب اقولك اني انا اللي كاتبها

وعندي الأجزاء كلها