حل سريع للهالات السوده ونضاره البشره فى يومين

حل سريع للهالات السوده ونضاره البشره فى يومين



الهالات السوده الحل الأكيد للقضاء عليها :
الهالات السوده بتبوظ شكل البشره وبتأثر على نضارتها ، حتى لو حاولتى تخفيها بالميكب برضو بتكون باينه ، ولونها أغمق من لون البشره ، فلازم نعالجها بدل ما نحاول نخفيها ، بس لازم نعرف ايه اسبابها الاول عشان نعرف نعالجها



اسباب ظهور الهالات السودا :
1- الانيميا :
دى اهم سبب فى ظهور الهالات السودا وشحوب لون البشره ، وكمان وشك مش بيكون فى حيويه ولا نضاره ولازم تعمل تحليل دم وتعالجى الانيميا الاول .

2- السهر :
السهر بيعمل على اجهاد البشره والعين ودا برضو عامل اساسى فى ظهور الهالات السودا ، وبيأثر جامد على حيويه البشره ، فلازم على قد ما نقدر اننا نظبط مواعيد النوم ، يعني على الاقل تنامى الساعه 12 بالليل وتصحى قبل الساعه 11 صباحا ، دا هيفرق معاكى كتير جدا ، وهتحسى بفرق على نضاره وحيويه بشرتك وهيقلل بشكل كبير الهالات السوده

3- الجيوب الانفيه :
هى بتمنع الدم يوصل للعين ، بكميه كبيره فبتكون سبب من ضمن اسباب ظهور الهالات السودا ، فلازم برضو تعالجيها الأول .
4- التعب النفسى :
دا بيأثر جامد على عينكى ، وخصوصا لو بكيتى كتير الهالات السوده هتظهر بشكل ملحوظ جدا
شوفى كمان : نوع فونديشن للبشره الدهنيه ويخفي جميع العيوب نهاري وسهرات سواريه
وبعد ما تعالجى كل الاسباب دى اللى هى سبب فى ظهور الهالات السوده نبدأ بقا نشوف هنعمل ايه عشان نخفيها تماما من البشره وتكون صافيه وكلها نضاره وحيويه :
طرق القضاء علي الهالات السوده نهائياً :
التخلص من الهالات السوداء
اولا :خليكى مواظبه على طبق السلطه كل يوم ، لازم يكون اساسى فى اى وجبه تأكليها ، ودا مش بس مهم للهالات السودا ، دا مهم لجسمك كله عموما .

ثانيا : الشاى الاخضر اشربى كوبايه فى اليوم ، ودا ليه فوايد كتير جدا برضو وفيه مضادات للاكسده وبيعالج أمراض كتير ، وبرضو حلو لو عاوزه تخسى هيساعدك فى حرق الدهون .
ثالثا : الزبادى والعسل : كل يوم تأكلى علبه زبادى وعليه معلقه عسل نحل ، دى فيها فوايد كتير جدا ، وهتفرق جدا معاكى وهتشوفى النتيجه على بشرتك .

رابعا : ابعدى عن الانواع السيئه من الكحل والمسكارا ، لانهم بيسببو الهالات السوده واشترى مثلا ماركات معروفه ونضيفه ، ولازم قبل ما تنامى تزيلى المكياج كله ماتناميش بيه طبعا .
خامسا : حطى معلقه اكل كبيره فى الفريزر وكل يوم الصبح أول ما تصحى من النوم
حطى المعلقه على عنيكى فى الجزء السفلى من بره ، والتمرين دا بيقضى على الانتفاخات فى العين

سادسا : شرب الماء لازم على الاقل تشربى 8 كبيات مياه فى اليوم ، لانه مهم جدا للجسم كله
شوفى كمان : بودرة الكولاجين السريه المعجزه للقضاء علي التجاعيد واخفاءالخطوط البيضاء
وصفات طبيعيه لعلاج الهالات السوده :
* الخيار : مهم جدا لترطيب البشره وتفتيحها كمان
* شرائح البطاطس : مبيض روعه للجسم كله
* تمرين المعلقه المجمده : مهم جدا لانتفاخ العين
* باكيت الشاى الاخضر المجمد : بعد ما تشربى شاى اخضر فتله حطيها فى الفريزر
والصبح اعملى بيها كمادات على عنيكى
شوفى كمان : زيت النمل الإيراني للقضاء علي الشعر الزائد ، بديل جلسات الليزر
وصفه مجربه وفاعله للقضاء على الهالات السوداء
• كبسوله فيتامين VITAMAX
• باكيت شاى اخضر
• كوب مياه ساخنه
ضعى الكبسوله والشاى الاخضر فى الماء الساخن وقلبيهم لحد ما تذوب الكبسوله
واشربيها وبرضه حطي منها كمادات على عينيك وهتلاقي الهالات السوده اختفت تماماً بإذن الله .


طرق التخلص من الهالات السوده

ممتاز