الحـمـــام المــغـــربــــــي ....

الســلامـ عليكمـ ..


اباركـ مذهله عن افتتاح الاقسـامـ الجديدهـ .....


ولكم، مني ..

الحمام المغربـــي ...




1 تسكرين نوافذ الحمام عدل وتفتحين الماي الحار بروحه وخلي البانيو يتملا ...هذي العملية تخلي الحمام يصير حار بحيث تبتدي مسامات الجسم تفتح ..

2جيبي الليفة السوداء المغربية وذي بتحصلينها تنباع في محلات

زي رامز والعامري عندنا بالشرقية ..تشترينها هي والصابون البلدي

ويجيك كده لونه ضارب على بني عسلي ..وممكن قبل ما تبتدين تدعكين جسمك ، تدهنيه بمقدار كوب حنا مطحونة ناعمة مع نص كاس ماي ورد ونص كاس ماي وعصير نص ليمونه وفيه عشبة
أجيبها من المغرب اسمها **الدّاد ** ما أدري هنا إيش اسمها بس راح آخدها للعطارين وأسألهم وشو اسمها هنا أقول لكم ،، زين ..
هاذي العشبة تاخدين منها مقدار بسيط تطحنيه وتغليه في الماي وتصفينه وضيفيه للخلطة الاولى ..ما يحتاج اقول لكم ..ينقي البشرة
ويخليها نااااااااااااااعمة ونقية ماراح تصدقين ..
3بعد ما يحسين انه بشرة جسمك فتحت مسامها تشطفين الخلطة بس بالماي وتبتدين تدعكين بالكيس الاسود اللي قلتلكم عليه في الاول
قبل ما تستعملونه بنات انقعوه في ماي حااااار عشان في بعض الاكياس تجي شوي خشنة فالماي الحار يخليها تلين ..
**تبتدي عاد الخلايا الميتة اللي تخلي بشرتنا تخشن تنزل مع الدعك
استمري في الدعك لين تخلصين جسمك كله ..والله يعين اللي جسمها مربرب ابتتعب من الدعك هههههههههههههههههههه
يالله هذا حافز عشان تنحف شوي عشان يسهل عليها الدعك ...
والظهر بنات لازم يدعك لكم اياه احد للمتزوجات خلي زجك يدعك لك
وعلى فكرة لازم الايد اللي ندعك بيها وعادة يكون اليمين تكون مفرودة داخل الكيس ،،لانه لاحظت زوجي لما كان يدعك لي اول ما اتزوجنا يخلي ايده داخل الكيس زي البوكس هههههههههه
فكان مرة يألم ظهري لاتنسو هاذي بشرة موجدار ههههههههه

4بعد ما خلصنا الدعك والحمد لله ..نغسل شعرنا أخر شي أو في الاول حسب نوعية البشرة لانه فيه انواع بشرة اذا غسلو شعرهم بالاول ما تطلع الخلايا الميته لذلك جربو الطريقتين وشوفو اي وحدة انسب لكم ..

قبل لا انسى لازم الماي اللي تسبحون فيه يكون مايل للحار عشان يساعدعلى إزالة الخلايا الميته،،بقدر ما تتحملون طبعا ..

وبعدين بإمكانك تستعملين الماسكات الخاصة لبشرة وجهك اثناء ماتكونين تدعكين بشرة جسمك لانه مسام الوجه بعد تكون مفتوحة
والماسكات ماشاء الله واجد بقسم العناية بالبشرة استعمليها اثناء الحمام وبتشوفين الفرق ..
وأخيرا يابنات لازم ننزل حرارة جسمنا لانه إذا طلعنا كده من الحمام
يمكن يجي لنا هبوط مفاجئ او دوخة أو أقلها بناخد برد من المكيفات اللي فوق راسنا ليل نهار الحمد لله هههههههههههههههه
كيف ننزل حرارة جسمن ؟؟!! :

نبتدي نبرد الماي شوي شوي ونشطف جسمنا طبعا في ذي الأثناء نحط الشاور جل المفضل عندنا والافضل يكون ماركة كويسة أنا استعمل من مارك اند سبنسر الجل شاور حق الخزامى ومن أفون بعد
عندهم أشياء مرررررررة حلوة انا مجربتها ..
وقبل لا نطلع نصب ماي بارد على جسمنا كله حتى الوجه عشان نساعد البشرة تسكر المسام ..
ننشف جسمنا عدل بعد ما نطلع نستعمل كريم مرطب حق الجسم ،،انا افضل يكون من نفس نوعية الجل اللي استعملتوه اثناء الاستحمام
وممكن تخلي أحد قبل لاتطلعين من الحمام يجهز لك بخور العود او اي بخور تفضلينه تبخري كل جسمك قبل لا تلبسين ،،هذا الشيء يساعد على تعطير جسمك لمدة طويلة ويعطيك احساس بالراحة والانتعاش
وصدقوني يابنات اللي تسوي ذي الطريقة ابتدعي لي ..وإذا هي متزوجة بينعجب فيها زوجها اكثر واكثر ..نعومة وجمال بشرة ولمعة طبيعية وريحة ولا في الخيال ..والله شي مبهر الحمد لله
أدري إني طولت عليكم لانه كان ودي ما انسى شيء عشان لاتنسوني انتو بعد من دعواتكم الحلوة ..
في الاول ذكرت الصابون البلدي ممكن تستغنين عن الخلطة اللي ذكرت سابقا بهذا الصابون إذا ما كانت متوفرة عندك المواد كاملة في البيت ..
والحنا اللي تستعمل في الحمام حنة خاصة للجسم ..وإذا ما حصلتو شوفي إذا عندك بالبيت حنة حق الشعر بس يكون مر عليها اشهر او سنة بحيث تخف فيها نسبة الصبغة عشان لما نستعملها لا تصير بشرتنا صفرة ..
ملاحظة مهمة :
عشبة الداد عشبة سامة لاتقربيها للمناطق الحساسة وإذا فيك جرح في جسمك لا تحطينها بتاتا ولا تقربيها من فمك ..

أتمنى إنه موضوعي يعجبكم واللي تدخل يابنات لاتدخل وتطلع كده لازم تحط توقيعها عشان اعرف مدى تجاوبكم مع الموضوع
ولا تنسونا من الدعاء ..

وحمام الهنا يا عراااااااااااااايس ..

الف شكر ملكة الورود

تقبلي مروري

يعطيك ربي الع ـافيه

لك مودتي

يعطيــڴ العافيه

ودي ~

يعطيك العافيه اختي