خذها مني هالنصايح(اهداء ل.........)(^_^)

السلام عليكم ورحمه الله وبركــــــــاته

اهداء لشخص عزيز عليه وااايد وان شاء الله يفهم مقصدي

يا الخوي هذي قصيده فيها لك عشرين بيت
والكلام الي يجيب المستحى يا خـوي بـدّه
وش علامك مكتئب دامك معا خلّـك وفيـت
ليش ضايق في حياتك ليش ما تبغي تصـدّه
خذ كلامي لك نصيحه وإعتبرني ما عطيـت
باب جاب الريح لازم تبتعـد عنّـه وتسـدّه
وإذكر الله بكل خطوه فيها يا خلـي بديـت
وإن بغيت إتحب حِب وعِدّ للمحبـوب عـدّه
ولا تقول إنك نسيت حتى لـو إنـك نسيـت
ولو يشدّك صاحبك إرخي ولو يرخيك شـدّه
ولا تبات بدار مالك يا الغـلا فيهـا مبيـت
ولا تخاوي من يقول إن الصلاه فيها مكـدّه
وإعتدل في مشيتك يا صاحبي لامن مشيـت
وإعتزي بالّي يعزّك يا الخوي في وقت شدّه
ولا تخون الي يحبك دامـك لقلبـه سعيـت
والعمر مني نصيحه يا الخـوي لا لا تعـدّه
قلت أنا قولي وقال إبليس يوم إنـي بديـت
شوف هذا الزين روح إمشي وراه ولا تهدّه
أسمع إبليس الرجيم يقول لو إنـك عصيـت
زاد قدرك عند ربك وإستوى منزلـك عنـده
ولو تبا والله لزيدك من الشعر مليون بيـت
يوم قال إبليس خلّك بوسه ع شفاتـه وخـدّه
وإرتمي بأحضان بنت بحضنها كل شي لقيت
هذا قول إبليس والله ولا حشا مانـي بقـدّه
لا حشا ما جيت أعاتب أو أنا بشعري هجيت
جيت أنا أكتب نصايح بالقصيد الـي أعـدّه
الكلام الي أقوله يـا الخـوي ممـا رأيـت
خذها مني هالنصايح والي مـا تبغـاه ردّه
الذي خانك دخيلك قـول أنـا فيـه إبتليـت
وإن نطق لا تستمع لين إيتوقف عنـد حـدّه
والعزيز الي يعزّك خصّ لـه كلمـة فديـت
وكل ما ينطق تفـدّا عمـه وخالـه وجـدّه
ولا تسير بدرب دامه مظلم وما فيـه ليـت
ولا تدش بدرب تعرف من قبل ما فيـه ردّه
وإنتبه من كل عالي فـوق راسـه إعتليـت
وإنتبه من بحر غادر مالك بجـزره ومـدّه
ولو تشوف النار ياخـي لا تطفيهـا بزيـت
والعدو حاول بطيبـك تكسبـه وتزيـد ودّه
يا الخوي هذي قصيده فيها لك عشرين بيت
وفيها لك مني نصايح عدّها عشريـن عـدّه





وسلامتكم

صح لســانك اخووي

ومشكوور على النصيحه الثمينه



تقبل مروري

صح لسانك اختي عذاب الطير


قصيدة رائعة


نصح وارشاد


الله يعطيك العافية


وسلمت اناملك على ما خطت لنا


تحياتي لك

صح الله السانك اختي والله احرجتيني كل هذا لى والله يعطيك العافيه

صح لسانك اختي عذاب الطير
والله الأبيات روووووعه
تقبلي مروري
اخوكـ،/الولهان