منتديات مذهلة | منتديات | منتدى مذهلة - عرض مشاركة واحدة

#1 30-09-2009, 05:17 AM

,

/

هذا موضوع شفته بأحدى المنتديات وكثير عجبني وحبيت انقله لكم

اختار اللون اللي تبي واشتر منه درجتين..فاتح وغامق.. واصبغ الجدار بالفاتح بطريقه عادية..

بعدين جيب قطعة قماش وغطها باللون الغامق..

بعدين دحرج القماش على الجدار مثل الرول بهالطريقة

والاماكن الضيقه واللي ما وصل لها تعتيق.. اضربها بهالشكل..

وهذي هي النتيجة النهائية..

وهذي طريقة تعتيق ثانية...

اخلط اللون الابيض مع اللون اللي اخترته اذا كان غامق .. عشان يتفتح شوي..

وبالوعاء الخاص نحط كميه من البويه ونمرر الروله فيها ثم نخفف من الكميه اللي عالقه بالروله بهالطريقة..

اصبغ منطقه ما تكون كبيره ولا صغيره..

وقبل لا تنشف البويه جيب قطعة نايلون ومدها على الجدار

ومرر عليها الفرشاة عشان تثبت

وكرر العمليه بجنبها

وخليه اربع ساعات او اكثر..وبعد ما تنشف شيل النايلون..

وهذا هو الشكل النهائي..

طريقة التعتيق الثالثة..

جيب علبتين من اللون اللي اخترته ..وواحد منهم اخلطه بالابيض عشان يتفتح..

و باستخدام الروله اصبغ الجدار باللون الفاتح

وبالفرشاة لون باللون الغامق اجزاء متباعده من الجدار

وبفرشاة ثانيه تكون شعيراتها متباعده تدمج الالوان على بعض..

وهذي هي النتيجه النهائية..

وهذي طريقه رابعة

بعد ما تصبغ الجدار بالروله

وقبل لا تجف البوية تجيب مكنسه نظيفه و تحاول تباعد بين خوصها..

وتسحبها بشكل عامودي..

وهذي هي النتيجة النهائية..

اتمنى ان يعجبكم ..
مع حبي