الله يجازي من يسوي سواتك
وبذنوب من سوى سواتك يجازيك

مشيت درب الثقل وتحب ذاتك
ماتدري انه للمهالك يوديك

وغرك جمالك يا خساره حلاتك
ما تدري ان ما غير طبعك يحليك

وتقول زينك يشفع لسيئاتك
الحسن ماهو عن وفاء الحب يعفيك


لو التواضع والوفاء من سماتك
بعت الحبايب كلهم دين وأشريك


لكن عجزت أغيرك يا جراتك
على الغياب اللي بلا عذر ينجيك


خطاي في توضيح وشهي غلاتك
وخطاك في توضيح وشهو تغليك



وشلون توصيني وتنسى وصاتك
وتصد عن صوتن تقطع يناديك


ما فاتك التجريح والعذر فاتك
وتبي رضاي الحين ما عاد يمديك


صحيح احبك بس هذي جزاتك
بعلمك درس يفيدك و يحييك



تدري وش ابيض من خفوقك عباتك
وتدري وش اللي غرني نضرتي فيك


ادري مستغرب تصبر وجاتك
قصيدة من واحد كان يبغيك

تبي تناظر وأنت عايش مماتك
شف وحدتك والناس تجلس حواليك

وتبي تشوف أشجع رجل في حياتك
شفني وانا راحل على كثر ما اغليك





ممــــــــــا راقــــ لــــــي فــــــــنقلته لكـــــــــم احبتـــــــي فـــي الله