|--*¨®¨*--|السلام عليكم ورحمه الله وبركـــاته |--*¨®¨*--|

اسمي بقايا روح وماكنت ادري .. ان البقايا صدق ذكرى حياته
محروم ودمعي على الخد يجري .. بحكي لكم قصه عن بقايا شتاته
ياريم جيت لك مرتاح شلون مدري .. جيت وحلمي عالقن في رجاته



اقول امي ميته فوق صدري .. واخوي قبل امي مفارق حياته
وانا بعدهم صرت فيهم اهذري .. مقهور مثلي ضايعن في شتاته




ماتوا اثنين بعائله هم كل عمري .. وش لي بباقي عمر ماتت حلاته؟
وانا مريض وحايرن وسط دهري .. والموت يقرب لي ومالي سواته
امشي وبلاي بدمي الحي يجري .. مرض خبيث جاركم الله بلاته
يارب قبل اموت يرتاح صدري .. واصير دكتور(ن)يحقق مناته
حلم امي اللي كنت له خوف اجري .. بحققه وامي غدت ذكرياته
اتألم بليلي وحيد وماحد(ن) يدري .. احتاج ضمة من قتلني وفاته
ضمة حنان(ن) تجبر اليوم كسري .. يمه ويايمه هات طيفك وهاته



احتاج طيفك نايم(ن) فوق صدري .. احتاج صدرك يحتظني بدفاته
ياغلى ثلاثه ابكتب بدم حبري .. ابكتب لين الحبر تنفذ عطاته
ياهلي بعدكم كاسر الهم ظهري .. اصبحت مثل اللي مضيع جهاته
والفرح بعيوني ولاعاد يطري .. والدمع يغرق موجن من شكاته
اساهر بليلي لين ماشوف فجري .. يدعي لكم من هو شهق في صلاته
اقول يارب يامنبت(ن) بالارض بذري .. ترحم بقايا روح تايهاتن خطاته






لاهو وصل للي بغى وقت بدري .. ولاهو تهنى في صحاه ومباته
ياريم قولي لي فيه احد مات كثري؟ .. مات وبقى يحمل بقايا رثاته
ياريم من هو صابرن مثل صبري .. ضايع مضيع مغترب وسط ذاته


والسموحـــــهـــ منكم[/QUOTE]