اتمني تعجبكم


لو للشتا رحمه رحم عاري الناس
* *ولو للوفا سلطه قتل خاينينه

ولو للشجر قدره على حامل الفاس
* *ماصرت تلقى بالبشر قاطعينه

ولو الغلا في كل الاحوال نبراس
* *ماشفت كـِذّاب البشر فاقدينه

ولو الزمن وافي مع الناس ماداس
* *روح الشباب وموّته في سنينه

ولو الذليل بمشيته رافع الراس
* *تشوف ذلّه في مشاهدك عينه

ولو البشر في مدّة اليد تنقاس
* *ساد الكريم وهالبشر تابعينه

ولو البخيل بزفرته يشهر افلاس
* *يموت وانفاسه بصدره سجينه

ولو للخطا في دربنا صوت واجراس
* *ماشفتنا في دربنا دايسينه

ولو الأماني تطرد الحزن والياس
* *ماشفت بين الخلق نفس ٍ حزينه

ولو السوالف تكشف انجاس الاجناس
* *ماصرت تشكي من رفاقه غبينه

ولو السراب بشوفته يروي انفاس
* *ماشفتنا في وقتنا لاعنينه

هذي أماني واحد ٍ عاشر الناس
* *أوفى لناس00وشافهم خاينينه

وسلامتكم

م/ن