شكراً: 0

تم شكره 0 مرة في 0 مشاركة

المواقف كثيرة معي لكن الموقف هذا ماراح انساه ..

هذا مرة سلمكم الله جيت انا وواحد من الشباب <<< الشباب والا الهلال

خخخخخخخخخخخخخ المهم وكان معي دتسن ( عــراوي ) ، والدتسن هذي ما

فيه مشكلة والا موجودة فيها لدرجة إن الصناعية عرفوني أول ما يشوفوني

على طول يعرفون العـلة اللي فيها ومسجلين مشاكلها بورقة وقالبينها اسئلة ثالث

ثانوي ( قسم شرعي ) وحاطينها ( صح والا خطا ) يسالوني : المشكلة اللي بدتسنك

الكبريتر صح والا خطأ خخخخخخخخخخخخخخخخ 00

المهم نرجع لمحور حديثنا ، الزبدة كان فيها علة وهي انه الباب اذا سكر مافتح لازم اخلي جزء

من الدريشة مفتوح أو أخلي واحد من البيبان مفتوح علشان افتح السيارة ، المهم ونزلت اصرف

من صرافة البنك وقلت لزميلي لا تنزل خلك هنا لحد ما اجيك اوكي، قال اوكي وتصير زحمة عند

الصراف ويوم وصلت للمكينة ما قدامي الا اثنين نفر اقصد شخصين والتفت يمين الا وهذا زميلي

بجنبي يقول وش بك تاخرت قلت له لا تكون سكرت السيارة قال اجل اخليها فاتحة انا طفيت

السيارة وهذا المفتاح قلت له يا فرحتي فيك وش اسوي بالمفتاح الحين كيف بافتح السيارة لا

ومن زود الأمانة عند صديقي متاكد ابو الشباب ان البيبان كلها مسكرة ، المهم صـرفت وخلصت

وجيت اشوف وش لون بافتح السيارة واجي واحاول افتح المثلث حق باب السيارة علشان اقدر

افتح الباب وفعلا فتحت المثلث والى الان الامور تمام المهم يوم فتحت المثلث واقعد امد يدي

احاول اني اوصل ( للدقمة ) اللي عن طريقها ينفتح الباب مدري وش تسمونها انتم ، المهم

واحاول امد يدي واحاول أوصل للدقمة هذي ويجي زميلي ويقول انا اطول منك يد ويحاول هو

واحاول انا ونجيب معلاق ملابس واسيام ونحاول نرفع الدقمة هذي وقعدنا على هالشغلانة

هذي تقريبا ربع او ثلث ساعة وشوي ويسفط بجبنبا شايب ( رجل كبير بالسن ) يبي يصرف هو

بعد من البنك ويوم شافنا نماغط بايدينا انا وخويي مر من عندنا وقال : السلام عليكم ، قلنا عليكم

السلام ، قال : خير يا شباب وش بكم ، قلنا : ابد يا عم الباب سكر وماقدرنا نفتحه قال : فتحتوا

المثلث قلنا ايه فتحناه ، قال : طيب وين المشكلة فيه ، قلنا : المشكلة اننا ما قدرنا نوصل لمكان

الدقمة بعيدة علينا شوي ويطالعنا باستغراب ، قال : وليه تبون توصلون للدقمة هذي ، قلنا : وكيف

بنفتح الباب الله يهداك الا عن طريق الدقمة هذي ، قال : يا اخي انت فتحت المثلث اوكي ، قلنا

اوكي ، قال نزل يدك تحت لمفتاح الدريشة وافتح الدريشة وبعدين افتح الدقمة 00

ونطالع لبعض انا وخويي حسينا من جد اننا اغبياء ، والشايب هذا طالع فينا بعد ما فتح لنا

الدريشة ولسان حاله يقول : يلعن ام الدلاخة اللي عليكم يا شباب هالوقت


خخخخخخخخخخخخخخخخخخخخخخخخخخخ

وهذا هو موقفي اللي صار معي 00

وآسف على الاطالة ..

وتقبلوا شكري وتقديري ...