رد: مساجله شعريه
يوميـن قاطعنـي ولاترحـم الـحـال
بالله قلـي كيـف ماهـزّك الشـوق؟! انا ثملت مـن الولـه والجفـا طـال وإلا انت ماكنك من البعد محـروق!! تركتني بين الظمـا وأشهـب الـلال مكسور / متضايق / وحاير / ومخنوق حسبي عليك ان كان هديـت الآمـال اللـي بنيتـه فيـك طابـوق طابـوق وانا عشانـك جيـت ماعـد الاميـال كن المسافه بيـن الاهـداب والمـوق (ق) |
رد: مساجله شعريه
قصتي رحلة طويلة ما تلملمها المشاعر...
الحزن ذوب نهاري والمساء همي يعيقه... ما بقا لي غير ذكري تحتضر في قلب شاعر... الظمأ أدمى حياته والأمل ما بل ريقه... |
رد: مساجله شعريه
هنا ..روح المكان.. وعاشقين .. وبصمتين ابهام
هنا.. جثمان كل اطموح ..فوق الارض يعنينا هنا .. مدهال ذكرى في كنف حب وغلا و اهيام هنا.. تسويفة المجهول .. تغري .. صبر اراضينا هنا.. كان الفرح .. صوت الحياة .. وتكتب الاقلام على اجباه الدروب .. اهلاً حللتم في ضواحينا (ا) |
رد: مساجله شعريه
اذا انت لم تعشق ولم تدري ماالهوى
فقم فاعتلف تبنا فأنت وعير في الخلاء سوى (ا) هههههههههههههه عفوا مالقيت الا هذي |
رد: مساجله شعريه
على شانه بكيت بصمت تألمت وحزنت بصمت
ولجل بسمه من شفاته كتبت الأغنيات الخمس ولجل ماتبكي عيونه تحديت الزمان بهمس أنا لجله أموت اليوم وأعيش بذكريات الأمس 000ترى احساسي هو احساسه000 000وروحي تعيش بأنفاسه000 |
رد: مساجله شعريه
هلا بك وان بغيت الصدق مشتاق اللقا بك حيل
عليك من الوله قلبي حزين ويعزف اشجــونه أحبك كبر هالعالم ومن فرقاك ذقت الويـــــــــل ياليتك ترجع لخلك تشوف الشوق بعيــــــونه أحسك في سما عمري تنور مثل نجم سهيل بدونك ينطفي ضوي واعيش الليل بجنـــــونه سقى الله يوم انا وياك نبكي والدموع تسيل سقى الله قلبك الوافي وكيف اعيش من دونه (هـ) |
رد: مساجله شعريه
هجرت كل الناس لجلك حبيبي ........ عشقا نبت ف الروح والقلب صانه
|
رد: مساجله شعريه
لا لوما حكى صمتك وثار من الجوارح بوح
غلا ياأنتي وأنا أدري بك شموخ المرحلة والليل قريتك يالرذاذ اللي رسم بك للطفولة روح أهيجن والشعر صوتٍ نثرته والمدامع سيل |
رد: مساجله شعريه
ليل وسحابه .. غيم ..! ومعانق أطلال + وأشياء في نومي مخيفه وتمرض
ما كنت اشوفك .. شي .. ! ملفت للآمال + كنت استرك .. قدام حلمي واغمض (ض) |
رد: مساجله شعريه
صباح الود
ضميتك حيل في عيني واعض بفمي الابهام تخيل حالتي لاجلك تخيل يامعنيني وانا ما جيتك امثل انا جيتك بقايا حطام انا صارحتك بحبي ولكنك مجافيني (ياء) |
الساعة الآن: 02:16 PM بتوقيت مسقط |
»:: تطوير SKY شركة غلا روحي :: إستضافة :: تصميم :: دعم فني ::»
Powered by vBulletin® Version 3.8.8جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |